«Ամերիա» ընկերությունների խումբը հայաստանյան շուկայում ամենաարագ զարգացող ֆինանսական խմբերից մեկն է բանկային և խորհրդատվական ծառայությունների ոլորտում: “Ամերիա» ընկերությունների խումբն իր կողմից առաջարկվող խորհրդատվական և ֆինանսական ծառայությունների փաթեթի միջոցով համալիր աջակցություն է ցուցաբերում Հայաստանի և տարածաշրջանի սոցիալ-տնտեսական և բիզնես ոլորտներում գործող կազմակերպություններին և անհատներին:
«Ամերիաբանկ» ՓԲԸ ունիվերսալ բանկ է, որը մատուցում է կորպորատիվ, ներդրումային և մանրածախ բանկային ծառայություններ` տրամադրելով բանկային լուծումների ամբողջական փաթեթ: Ամերիաբանկը Հայաստանի ամենադինամիկ զարգացող բանկերից է և դասվում է ամենակայուն ֆինանսական հաստատությունների շարքում:
«Ամերիա» ընկերությունը` խորհրդատվական ծառայությունների հայաստանյան շուկայի առաջատար ընկերություններից մեկը, իր գործունեությունը ծավալում է մասնագիտական խորհրդատվական ծառայությունների երեք հիմնական ոլորտներում` գործարար, ֆինանսական և իրավաբանական խորհրդատվություն:
Ամերիա Ինվեստ ընկերությունը ներդրումային ոլորտում Հայաստանի առաջատար ընկերություններից է, որն առաջարկում է արժեթղթերի հավատարմագրային կառավարման ծառայություն և խորհրդատվություն` արժեթղթերում ներդրումների հետ կապված: